«ZTE» şirkəti «MWC» sərgisində dünyada beşinci nəsil şəbəkələrini dəstəkləyən ilk smartfonunu təqdim edəcək.
«İctinfo.az» «hi-tech.mail.ru»-ya istinadən bildirir ki,»ZTE Gigabit Phone» smartfonu saniyədə 1 Qbitə qədər sürətlə internetə qoşula biləcək. İstehsalçı bildirir ki,bu sürət virtual reallıqda 360 dərəcəlik axınlı videoları və ultra yüksək təsvir ölçülü çarxları izləməyə imkan verəcək. Telefon ilk beşinci nəsil şəbəkələri təqdim ediləcək ABŞ və Avstraliya bazarlarına hədəflənib.Ehtimal ki, smartfon səkkiznüvəli «Qualcomm Snapdragon 835» prosessoru ilə təmin ediləcək. Bildirilmiş xarakteristikalar üzrə onun modulu artıq 1 Qbit/s-də internetin sürətini dəstəkləyir.
ZTE «Gigabit Phone» haqqında bütün təfərrüatlar Barselonada 27 fevralda keçiriləcək keçiriləcək «MWC» sərgisində bilinəcək.
