«Redmi»-dən verilən rəsmi açıqlamaya görə, «Redmi Note 12 Discovery Edition» bu gün Çində satışa çıxarılıb. Alıcılar yalnız 8 GB RAM və 256 GB yaddaş versiyasını 330 dollara əldə edəcəklər.
«Redmi Note 12 Discovery Edition»-ın ən böyük üstünlüyü sənaye rekordu olan 210W sürətli enerji doldurma texnologiyasına dəstəkdir. 4300 mAh batareyanı 100%-ə qədər doldurmaq cəmi 9 dəqiqə çəkir.
«Redm» CEO-su Lu Weibing bildirib ki, 210W sürətli enerji doldurma təkcə gücün artması deyil, həm də çiplərin, batareyaların, məlumat kabellərinin, şarj cihazları və soyutma sistemlərinin doldurulması sahəsində bir sıra texnoloji yeniliklər daxil olmaqla nəhəng tədqiqat və inkişaf layihəsidir.
Redmi Note 12 Discovery Edition həmçinin 120Hz yeniləmə sürətini, 1920Hz yüksək tezlikli PWM qaralmanı dəstəkləyən flaqman 6,67 düymlük ekrandan istifadə edir. Dolby Vision və HDR 10+ dəstəkləyir.
Smartfon bir çipli MediaTek Dimensity 1080 sistemi, həmçinin Samsung HPX təsvir sensoru olan 200 meqapiksellik kamera ilə təchiz edilib. O, tam funksiyalı NFC, infraqırmızı sensor, 3,5 mm qulaqlıq yuvası, yan tərəfə quraşdırılmış barmaq izi skaneri aldı.
