«Xiaomi» şirkəti 2018-ci ilin əvvəllərində təqdim edəcəyi «Mi 7» modeli ilə bütün dünyanı fəth edəcək.Ekspertlərin qənaətinə görə, yeni smartfon unikal xüsusiyyətləri ilə rəqiblərini mat qoyacaq.Smartfonun güclü olması ilə yanaşı iki müxtəlif ekranlı olması ona indidən böyük maraq yaradıb.
«Ictinfo.az» «vistanews.ru» resursuna istinadən bildirir ki,2018-ci ilin birinci rübündə istifadəçilərə iki komplektasiyada «Mi 7» smartfonu təqdim ediləcək .
Birinci model klassik olacaq, ekran diaqonalı 5,65, ikinci «Mi 7 Plus» modeli 6,01 düym olmaqla birincidən böyük ekranla fərqlənəcək. Markanın istehsalçılarının sözlərinə görə, bütün modellər «Qualcomm Snapdragon 845» prosessoruna malik olacaqlar. Onun tezliyi 2,8 QHs bərabərdir. Hər iki modeldə əməli yaddaşlar 6 QB-a qədər olacaq, kamera daha güclü olacaq, onun gücü — 19 meqapikseldir. O arxa paneldə yerləşəcək. Hər iki qurğuda simsiz yükləmə mövcuddur.Akkumulyatorun həcmi müvafiq olaarq 6300, 6500 mAs təşkil edir. Smartfonların qiyməti açıqlanmır.
