Nüfuzlu “DxOMark” laboratoriyasının mütəxəssisləri yeni lideri hətta «iPhone 13 Pro Max» kimi güclü yeni məhsulu da böyük fərqlə geridə qoyub.
İndi ən yaxşı batareyaya malik smartfonların reytinqində birinci yer «Oppo Reno6 5G»-ə məxsusdur.»ICTinfo.az» «ixbt.com»-a istinadən bildiri ki,yenilik 96 bal toplayıb.Əvvəlki birinci 89 xalla «iPhone 13 Pro Max» idi. Bununla belə, eyni nəticəni sıralamada müvafiq olaraq üçüncü, dördüncü və beşinci sətirlərində yer alan «OnePlus Nord CE», «Vivo Y72 5G» və «Xiaomi 11T» göstərdi. Beləliklə, «Oppo Reno6 5G» ilə digər smartfonlar arasında fərq 7 bal təşkil edir.
«DxOMark» mütəxəssiləri qeyd edib ki, yüksək nəticənin arxasında duran əsas amillərdən biri «Oppo»-nun patentləşdirilmiş «SuperVOOC 2.0» sürətli enerji doldurma sistemi olub,o, 65 Vt-a qədər enerji verir. Bunun sayəsində smartfon cəmi 22 dəqiqəyə 0-dan 80%-ə, 35 dəqiqəyə isə 100%-ə qədər enerji yığır. Üstəlik, beş dəqiqəlik şarj 10 saat batareyanın ömrünü təmin edə bilər.
Sınaq zamanı «Oppo Reno 6» orta istifadə ilə 57 saat işəyə bilir.
Xatırladaq ki, «Oppo Reno6» 4300 mAh batareyaya malikdir ki, bu da sənayedəki ən yüksək göstəricidən uzaqdır. Bu yay təqdim edilən smartfon «MediaTek Dimensity 900» çipsetinə əsaslanır və Full HD+ həlli və 90Hz yeniləmə tezliyi ilə 6,43 düymlük AMOLED ekrana malikdir. 
