Smartfon üçün yeni proqram parkinson xəstəliyinə nəzarət etməyə kömək edəcək. Britaniya mütəxəssislərinin hazırladığı «CloudUPDRS» adlı yeniliyi 4 dəqiqə ərzində pasiyentin evdən çıxmadan səhhətin yoxlamağa icazə verir.
Mütəxəssislər bildirirlər ki, parkinson xəstəliyindən əzab çəkən insanlar adətən həkimə ildə bir-iki dəfə gedir. Amma öz növbəsində parkinson — yavaş irəliləyən, beyin hüceyrələrində itkiyə səbəb olan xəstəlikdir. Normal insanın beynində onun axıcı və əlaqəli hərəkətini təmin edən dopamini ifraz edən hüceyrələr var. Dopamin beyinə gələn məlumatları bir sinir hüceyrəsindən digərinə ötürür. Beləcə, bədən tarazlığı təmin edilir. Lakin bu hüceyrələrin bir qismi ziyan görəndə və ya azalanda dopamin ifraz edilə bilmir. Dopamin ifraz edən hüceyrələrin 60-80 faizi itkiyə uğrayanda bədəndə titrəmə, yavaş hərəkətetmə və tarazlığın pozulması halları ortaya çıxır. Bunlar Parkinson xəstəliyinin əlamətləridir.
«CloudUPDRS» mobil proqramı «Android» əməliyyat sistemiylə qurğulara yönəldilmişdir. Hazırlamanın müəlliflərindən biri, London Universitetindən aparıcı mühəndis Corc Russos bildirib ki, proqram onun əhvalı haqqında xəstəni dindirəcək və xüsusi tənzimçilərin köməyi ilə dəyişiklikləri qeyd edəcək.
Hal-hazırda hazırlama Böyük Britaniyada test sınaqları keçir. Planlaşdırılır ki, yeniliyin nümayişi ABŞ-da keçiriləcək beynəlxalq konfrans çərçivəsində olacaq.
