İnternetdə 95 milyard dollarlıq ziyan vuran 6 zərərli proqrama malik noutbuk satışa çıxarılması haqqında məlumat dünya mətbuatında maraqla qarşılanıb.”ICTinfo.az” “techcult.ru” resursuna istinadən bildirir ki,hətta “The Persistence of Chaos” (Xaosun dözümlüyü) adlı hərracın 1,2 milyon dolları ötməsi ən son məlumat idi.Bu gün verilən xəbərdə isə qorxunc noutbukun artıq 1,345 milyon dollar olmaqla rekord qiymətə satıldığı bildirilir.Noutbuk fiziki baxımdan internet və digər qurğulardan təcrid edilib.Noutbukun satıcı tərəf kimi rəssam Quo O Donq və “Deep Instinct” informasiya təhlükəsizliyi şirkəti çıxış edib.
Xtırladaq ki,2008-ci il buraxılışlı “Samsung NC10-14GB” noutbuku aşağıdakı zərərli proqramlarla nüvə qorxusu yarada bilib:
Elektron poçt göndərişi və fayl mübadilə sistemləri vasitəsilə yayılan “ILOVEYOU” zərərli proqramı 500 mindən çox sistemə nüfuz edərək ümumilikdə 15 milyard dollar ziyan vurub.
Rusiya hakerləri tərəfindən hazırlanması ehtimal edilən “MyDoom” kompüter virus spamından ziyan 38 milyard dollar təşkil edib.
Spam vasitəsilə yayılan “SoBig” virus troyanı faylların üzünü köçürür, özünü elektron poçtla göndərir və proqram/aparat təminatını zədələyir. O, yüz minlərlə kompüterə nüfuz edərək 37 milyard dollar ziyan vurub.
Bekdor kimi də işləyən “WannaCry” fırıldaqçı virusu 2017-ci ildə dünyada 200 mindən çox kompüterə müdaxilə edərək 100 milyon dollar ziyan vurub.
Mürəkkəb “DarkTequila” zərərli proqramı əsasən Cənubi Amerika istifadəçilərinə hücum edib. O, internetə qoşulmadan bank hesab məlumatlarını və korporativ informasiyanı oğurlaya bilir. Virus qurbanlarının ziyanı milyon dollarlarla ölçülür.
“BlackEnergy 2” modullu struktura malikdir və “rootkit” kimi işləyir. 2015-ci ildə Ukrayna enerji şəbəkəsinə hücumlarda tətbiq edilib.
Qeyd edək ki,alıcının kimliyi açıqlanmır.
