«Elecjet» adlı startap dünyanın ən sürətli enerji doldurma sürətinə malik ilk xarici akkumulyatorunu buraxmaq üçün vəsait toplama kampaniyasına başlayıb. Onlar artıq 150 min dollardan çox vəsait toplayıb,lazım olan məbləği xeyli üstələyiblər.
«ICTinfo.az» «ixbt.com»-a istinadən bildirir ki,10.000 mAh tutumlu «Elecjet Apollo Ultra Power Bank» cəmi 27 dəqiqə ərzində 0-dan 100%-ə qədər enerji ilə doldurula bilər. Bu, 100 vatt gücündə şarjı dəstəkləyən qrafen batareyasının istifadəsi ilə mümkün olub.
Onun çəkisi cəmi 230 qr və ölçüsünə görə əksər smartfonlarla müqayisə edilə bilər. Xarici akkumulyator 43 ° C-dən yuxarı qızdırmır və demək olar ki, 7 il gündəlik istifadə üçün 2500-dən çox şarj dövrünə davam edir.
«Elecjet Apollo Ultra» batareya səviyyəsini göstərən kiçik rəqəmsal displeylə gəlir. Bundan əlavə, o, eyni vaxtda bir neçə cihazı doldurmağa, həmçinin batareyanın özünü doldurmağa imkan verir.
Erkən sifariş edənlər cihazı 69 dollara, pərakəndə satış kimi 100 dollara əldə edilə bilər.
