«Dell» şirkəti dünyadan ilkə imza atdı. Heç kəsin gözləmədiyi bir vaxtda şirkət simsiz yükləməsiz noutbuku satışa çıxardı. «Ictinfo.az» «hi-tech.mail.ru»-ya istinadən bildirir ki, noutbukun «Dell Latitude 7285» versiyası 12 düymlük ekranla, 128 QB daxili, 8 QB əməli yaddaş və «Core-i5-7Y54» prosessoru ilə qiyməti 1200 ABŞ dollarından başlayır. “Wireless Charging Keyboard” simsiz enerjidoldurma və “Wireless Charging Mat” enerjidoldurma altlığı imkanına malik klaviatura üçün əlavə olaraq 550 dollar ödəmək lazımdır.
Qeyd edək ki,onun «planşet» hissəsi faktiki olaraq məftillərsiz enerji toplaya bilmir və onu belə seçimi dəstəkləyən klaviaturaya qoşmaq lazımdır(Foto).
«Dell» bildirir ki, yükləmə metal səthlərdə istifadə üçün nəzərdə tutulmamışdır.Bu halda, əgər kompüterdən metal səthdə istifadə etmək istəyirsinizsə onda sizə qeyri-metal altlıq lazım olacaq. Bu öz növbəsində simsiz yükləmə texnologiyasının noutbuk üçün hələlik uğurlu olmadığını deməyə əsas verir.
Ancaq bütün bunlara rəğmən ilk belə texnologiyalı qurğu böyük maraqla qarşılanıb.Və öz növbəsində sifarişlərin də çox olması bunu deməyə əsas verir.
