Böyük Britaniyanın «Ilika» şirkətinin alimləri birkristallı sistemli akkumulyatorları hazırladılar.Akkumulyator anod, katod, elektrolit komponentlərə əsaslanaraq sərtgövdəli çip əsasında hazırlanıb.
«Ictinfo.az» «hi-tech.mail.ru»-ya istinadən bildirir ki,yenilik xərcləri azaltmağa və qurğunun xidmət müddətini uzatmağa imkan verəcək.Batareyalar ətraf mühitdən-günəş işığı, vibrasiyalar, radiosiqnallar, temperatur tərəddüdlərindən enerjisi yığır.
İstehsalçıların sözlərinə görə,onların sərtgövdəli batareyaları həmçinin ion-litium texnologiyasına əsaslandırılmışdır.Onlar daha təhlükəsiz və ikiqat həcmə malikdirlər. Bundan başqa batareyalar 30-60 dəqiqə əvəzinə 15 dəqiqə olmaqla, altı dəfə daha sürətli enerji toplayırlar. «Ilika»-ın sərtgövdəli batareyaları mənfi 40 dərəcə temperaturdan +150 dərəcəyə qədər ən müxtəlif şəraitdə işləməyə bacarıqlıdır.»Ilika» şirkəti bir müddətdir ki,»Toyota» avtoistehsalçısıyla avtomobillər üçün sərtgövdəli akkumulyatorlar sahəsində birgə əməkdaşlıq edir. Gözlənilir ki, «Toyota» 2025-ci ilə qədər onların kütləvi istehsalına başlayacaq.
