Dünyanın tanınmış “OpenSignal” şirkəti bütün dünya üzrə LTE birləşmənin surəti və 4G şəbəkənin əhatəsi üzrə hesabatını təqdim edib. “gazeta.ru” saytının məlumatına görə, hesabatdan müəyyən olunub ki, dünyada ən sürətli 4G internet Sinqapurdadır. Orada LTE şəbəkənin orta surəti 37 Mbit/saniyədir.
İkinci yerdə Yeni Zelandiya qərarlaşıb. Burada LTE şəbəkənin orta surəti 29 Mbit/saniyədir. Üçüncü yerdə 28 Mbit/saniyə surətlə Macarıstan gəlir.
Rusiya bu siyahıda Bolqarıstan və ABŞ-la bir cərgədə yer alaraq 10 Mbit/saniyə surətlə 54-cü yerdədir.
4G şəbəkəsinin əhatəsinə görə 97 faizlə Cənubi Koreya lider olub. Onun ardınca Yaponiya (90 faiz) və Honkonq (86 faiz) gəlir. Rusiya bu siyahına 52-ci yerdə qərarlaşıb.
Tədqiqatçılar qeyd edir ki, bu göstərici ilə daha yüksək nəticələri çox sıx yaşayışı olan kiçik ölkələr göstərir.
Hesabat üçün “OpenSignal” analitikləri bütün dünya üzrə onların əlavəsi yüklənən on minlərlə smartfonların məlumatlarını yığıblar. Bu əlavə ilə yanaşı, istifadəçilər yerli operatorun 4G şəbəkəsinə də qoşulmalıdırlar.
