2020-ci ildə Birləşmiş Ərəb Əmirliklərinin paytaxtı Dubay şəhərində mərtəbələri fırlanan dünyada ilk mehmanxana-göydələn istifadəyə veriləcək.Göydələnin layihəsi 2009-cu ildən İtaliya-İsrail memarı Devid Fişer tərəfindən işlənib.
«İctinfo.az» «techcult.ru»-ya istinadən bildirir ki, 80 mərtəbəli göydələnin hündürlüyü demək olar ki, 420 metr təşkil edəcək. Gözydələnin əsas xüsusiyyəti onun hər mərtəbəsinin sərbəst şəkildə fırlana bilməsidir.
Ən maraqlısı isə sakinlər öz mərtəbələrinin fırlanma sürətinə nəzarət etmək və ya səs komandaların köməyi ilə dayandırmaq imkanına malik olmasıdır. Binanın mərtəbələri arasında yerləşdirilmiş 79 yel turbini və damda qurulmuş günəş panellərinin sayəsində elektrik enerjisi alternativ enerji ilə təmin edilib.
Binanın tikintisi təqribən 30 milyon dollara başa gələcək.Mehmanxananın özünün dəyəri isə 350 milyon dollardan çox olacağı ehtimal edilir. Devid Fişerin planlarında Londonda, Parisdə, Nyu-Yorkda və Moskvada belə binaları tikmək var.
