Çinin “Zhaoxin” şirkəti “Intel” və “AMD” məhsulları ilə rəqbət aparacaq “x86” arxitekturası əsasında hazırlanan “KX-6000” prosessoru təqdim etdi.
İstehsalçının sözlərinə görə, yeni prosessor stolüstü kompüterlər, noutbuklar və serverlər üçün hazırlanmış və “Hyper-threading” texnologiyasının dəstəyi olmadan yeddinci nəsil “Intel Core i5”-lə müqayisə edilə bilən məhsuldarlığı təmin etməyə bacarıqlıdır.
Qeyd edək ki, “Zhaoxin” Çin hökumətinin və “Via Technologies” şirkətinin ortaq müəssisəsidirr.”KX-6000″ prosessoru 16-nanometr texprosessu “FinFET” üzrə istehsal edilir. O, 3 QHs-a qədər tezliklə özündə dörd və ya səkkiz nüvə saxlayır, ikinci səviyyə 8 MB gizli yeri və ikikanallı DDR4-3200 yaddaşını dəstəkləyir.
