“Samsung Galaxy M13 5G” büdcə smartfonu bu ilin iyul ayında əvvəlcədən quraşdırılmış “Android 12” və “One UI 4” interfeysi ilə təqdim olundu və indi o “One UI 5″ interfeysli “Android 13”-ün son versiyasını əldə etdi.
Yeni proqram təminatı Hindistanda yayılan M136BXXU2BVK3 nömrəlidir və noyabr ayı Android təhlükəsizlik yeniləmələrini ehtiva edir. Gözlənilir ki, telefonun adi versiyası – LTE modemli Galaxy M13 bir-iki həftə ərzində analoji proqram təminatı alacaq.
Xatırladaq ki, “Samsung Galaxy M13 5G”, 90 Hz kadr tezliyi olan 6,5 düymlük PLS ekran, 50 meqapiksellik kamera, 15 Vt doldurma dəstəyi ilə 5000 mAh batareya ilə təchiz edilmiş SoC MediaTek Dimensity 700 əsasında qurulub.
