“HUAWEI” avtomobilin ön şüşəsini “ağıllı” ekrana çevirən “AR HUD” texnologiyasını təqdim etdi.”ICTinfo.az” “4Pda.ru” resursuna istinadən bildirir ki,yenilik bütün vacib məlumatların ekranda deyil, birbaşa ön şüşədə göstərilməsini nəzərdə tutur.
“HUAWEI”-nin yeni avtomobil həlli, sürücünün gözü qarşısında sürəti, yüksəkliyi və digər vacib göstəriciləri göstərən hərbi təyyarələrdə istifadə olunan “HUD” funksiyasını əks etdirir. Şirkətdən verilən məlumata görə, “HUAWEI AR HUD” avtomobil istehsalçılarına yeni texnologiyanı, təhlükəsizliyi və əyləncəni birləşdirməklə yanaşı qəzaları önləyərkən avtomobili daha rahat və inamlı edəcək.
“AR HUD” avtomobilin önündə 7.5 metrə qədər məsafəni əhatə edən geniş bir baxış sahəsi təmin edir.Sükan çarxının altında yerləşən bir sistem ön şüşəyə 70 düymlük bir görüntü verir. “Ekranda” bütün naviqasiya məlumatları – sürücünün qət edəcəyi məsafə, marşrut, yolda zolaqların sayı, habelə hava şəraiti və digər vacib məlumatlar göstərilir. Bundan əlavə, “HUAWEI” gecə maşın sürərkən gecə görmə rejimi və şiddətli yağış və duman zamanı hərəkət etməyi asanlaşdıran ayrı seçimlər təqdim etmişdir.
Bundan əlavə, ekran video axını funksiyasını təklif edən bir əyləncə və multimediya vasitəsi olaraq da istifadə edilə bilər. Bir sıra tətbiqlərin dəstəyi ilə ekran, dayanacaqlar, restoranlar, mağazalar, yanacaqdoldurma məntəqələri və sair haqqında real vaxt məlumatı olan bir 3D Xəritəçəkmə sistemi təqdim edə bilər.
