Bu bir həqiqətdir ki,müasir smartfonlarda telefon funksiyası arxa plana çəkilib.İnsanlar smartfonlarla sosial şəbəklərdə yazışmaq, musiqiyə qulaq asmaq , foto çəkmək, video oyunlar oynamaq,naviqasiya və başqa məsələlər üçün istifadə edirlər. Amma elə şəxslər var ki,onlara bütün bu funksiyalar lazım deyil. Belə istifadəçilər adi düyməli telefonu seçə bilərlər. «Light Phone» belə telefonlardandır. Bu qurğu «Kickstarter»-də təqdim edilib və bütün arzu edənlərə əlçatandır.
«Ictinfo.az» «4pda.ru»-ya istinadən bildirir ki,»Light Phone» kiçik ölşüdə olmaqla xüsusi dizayna malikdir. O kredit kartı ölçüdə yastı düzbucaqlı korpusdan ibarətdir. Bu qurğuda zəng etmək və zəng qəbul etmək funksiyaları var.O cəmi 9 nömrə yaddaşda saxlaya bilər. Onda sensor ekran, internetə çıxış,hətta SMS göndərmək funksiyaları yoxdur.
Təəssüf ki, «Light Phone» hamıya əlçatan deyil. O ABŞ-da 2G GSM şəbəkələrinə uyğun inteqrasiya edilmiş bloklanmış SIM-kartla işləyir və xidmətin dəyəri ayda 5 dollar təşkil edir. Bu halda smartfon və istifadəçiyə Light Phone-da zənglərin ünvanını dəyişdirmək üçün xüsusi əlavə mütləq lazımlıdır.
«Light Phone»-nin qiyməti 150 dollardır.
