Smartfonların məhsuldarlığını yoxlayan populyar “AnTuTu” xidməti ötən ayın nəticələrinə əsasən smartfonların “xalq” reytinqini yeniləyiblər.Burada «Android» qurğuların istifadəyə yararlılığı,yaxşı işləməsi və digər istehlak keyfiyyətləri barədə alıcıların özlərinin rəylərini nəzərə alınıb.
AnTuTu-nun məlumatına görə, «Samsung Galaxy Note20 Ultra» keçən ay ən müsbət rəyləri alıb. Smartfonun bir il əvvəl təqdim edilməsinə baxmayaraq, onun texniki təchizatı hələ də hazırkı modellərin tələblərinə cavab verir. Bundan əlavə, istifadəçilər qurğununu korpusunda saxlamaq üçün dəliyi olan elektron qələmlə işləməyin rahatlığını yüksək qiymətləndirdilər.
«İstifadəçi bəyənmələri» reytinqində ikinci yeri «OPPO K9 5G» tutub.Respondentlərin fikrincə,bu ilin may ayında bazara çıxan cihaz, münasib qiymətə qabaqcıl funksiyalar təklif edir. Smartfon «Snapdragon 768G» prosessoru əsasında qurulub.90 Hz təzələmə tezliyi olan «Samsung OLED» ekranı ilə təchiz edilib, 65 Vt gücündə sürətli simli enerji doldurmanı dəstəkləyir, həmçinin 64 meqapiksellik əsas sensorlu üçlü kamera alıb.
«Redmi Note 11 Pro +» ilk üçlüyü bağlayır. Qurğunun xüsusiyyəti 120 vatt gücündə tam sürətli şarjdır. Bundan əlavə, reytinqə digər məşhur «Android» cihazları da daxildir: «Meizu 18», «OPPO Reno6 Pro 5G», «Samsung Galaxy S21 Ultra 5G», «HUAWEI Mate 40 Pro», «Black Shark 4S» və «Honor Magic 3». Eyni zamanda, «OPPO K9»-un «Pro» versiyası, baza modelindən fərqli olaraq,açıqlanan siyahının ən sonunda durur.
