Söhbət “Galaxy S21”, “S21 ” və “S21 Ultra” smartfonlarından gedir.Bildirilir ki,bu smartfonlarda yaddaş kartı üçün çıxış yoxdur.Qeyd edək ki,əvvəllər şirkətin qurğularında “microSD” formatlı xarici toplayıcı ilə birlikdə istifadə üçün nəzərdə tutulan oxşar çıxış mövcud olub.“ICTinfo.az” “Ferra.ru” resursuna istinadən yazır ki,bundan əvvəl “Samsung Galaxy Z Fold2” və “Z Flip” bükülən smartfonlarında yaddaş kartı üçün çıxışdan imtina edilib.İndi smartfon yaddaşında daha çox məlumat saxlamaq üçün istifadəçilər daha böyük tutuma (maksimum 512 giqabayt) malik bahalı qurğu almalı olacaqlar.Alternativ variant kimi istifadəçilər bir sıra sənədləri “bulud” saxlancında saxlaya bilərlər.
Bildirək ki,“Samsung” smartfonlarında yaddaş kartlarının funksionallığı qurğular tərəfindən “Adoptable storage” funksiyası dəstəklənmədikdən həmişə məhdud olub.Bu texnologiya qurğunun quraşdırılmış yaddaşı və yaddaş kartından vahid massiv yaratmağa imkan verir. Məsələn, bu, proqramları və onların məlumatını xarici daşıyıcıda saxlamağa şərait yaradır.
Ancaq ucuz “Samsung” smartfonlarında yaddaş kartı üçün slot saxlanılacaq. Mütəxəssislər vurğulayıb ki, xarici toplayıcıdan müəyyən məhdudiyyətlər şərti ilə musiqi, video, foto və digər kontentin saxlanılması üçün istifadə etmək olar.
