“Ictinfo.az” “4pda.ru”-ya istinadən bildirir ki,”IHS Markit” tədqiqat şirkəti cari ilin birinci yarısının ən çox satılan smartfonlarının siyahısını təşkil etdi. Nəticələr tamamilə gözlənən olub. Belə ki, yenə də siyahıya “iPhone 7” smartfonu başcılıq edir.
İkinci yeri “iPhone 7 Plus” tutub, amma üçüncü sıranı gözlənilmədən “Samsung Galaxy Grand Prime Plus” qəraralaşdı. Bu 5 düymlük 960×540 piksel ekranla ucuz modelidir.
Ən satılan smartfonların siyahısında dördüncü yeri “iPhone 6S”,beşinci və altıncı sırada isə müvafiq olaraq “Galaxy S8” və “Galaxy S8 Plus” tutub. Müqayisə üçün qeyd edək ki, ötən il dördüncü yeri “Galaxy S7 Edge” tutmuşdu.
Mütəxəssislər bunu “Galaxy S8” və “Galaxy S8 Plus”-un gec istifadəyə verilməsi ilə əlaqələndirir.”IHS Markit”-in məlumatına görə, “Samsung”-un yeni modelləri sözügedən dövrdə satışlar üzrə sələflərini üstələyə bilmədi.
