«Microsoft» əməliyyat sistemi üçün dəstəyi tamamilə dayandırmazdan əvvəl Windows 8.1 proqram platforması sonuncu təhlükəsizlik yeniləmələrini alacaq. Eyni zamanda, şirkət ödənişli Genişləndirilmiş Təhlükəsizlik Yeniləmələri (ESU) proqramına qoşulmuş Windows 7 versiyaları üçün yamaqların buraxılmasını dayandıracaq.
Əlbəttə, heç kim Windows 8.1 sahiblərinə köhnə əməliyyat sistemindən istifadə etməyi qadağan etməyəcək, lakin müəyyən edilmiş boşluqlar artıq tərtibatçı tərəfindən aradan qaldırılmayacaq və bu ƏS-in digər mühüm komponentləri artıq yeniləmələri qəbul etməyəcək. Windows 7 vəziyyətində şəkil daha çəhrayıdır: 0Patch-dən həvəskarlar komandası sayəsində bu platforma qeyri-rəsmi yeniləmələri almağa davam edəcək. Bildirilir ki, “Windows 7” ən azı daha iki il dəstəklənəcək – söhbət kritik yeniləmələrdən gedir. Üstəlik, Windows 7 üçün Edge brauzeri də ən azı 2025-ci ilin yanvarına qədər yenilənəcək.
İstəməyən və ya nədənsə ən azı Windows 10-a yüksələ bilməyənlər üçün dəstək pulsuz təmin edilməyəcək — 0Patch hər bir cihaz üçün ildə 25 dollar alır. Məlumdur ki, Microsoft ESU-nun birinci ili üçün eyni məbləği, ikinci və üçüncü il üçün isə iki dəfə çox tələb edib. Bu dəstək Windows 7 istifadəçilərinin köhnə ƏS-də müəyyən proqramların sadəcə işləmədiyi və yaxud düzgün quraşdırılmadığı uyğunluq problemlərinin qarşısını almayacaq. Google artıq Windows 7-də Chrome üçün dəstəyin başa çatdığını elan edib və digər proqramların köhnə ƏS ilə necə işləyəcəyi hələ məlum deyil.Bu Windows 8.1-ə də aiddir. Çox güman ki, bir çox proqram sadəcə fəaliyyətini dayandıracaq və bu bəzi hallarda böyük problemlər yarada bilər. Məsələn: Valve Windows 7 üçün Steam dəstəyini dayandırmaq qərarına gəlsə bəzi problemlər yaranacaq.
Bu və ya digər şəkildə, Windows 7 istifadəçiləri ən azı növbəti iki il ərzində daha yaxşı vəziyyətdə olsalar da, heç kim 8.1 versiyası üçün pulsuz və ya kommersiya əsasında geniş dəstək vermək niyyətində deyil.
