Yaxın illərdə Böyük Britaniya pilotsuz nəqliyyat vasitələrini, dronları və virtual reallıq sistemlərini dəstəkləyə bilən beşinci və altıncı nəsil rabitə üçün radiotezlikləri keçid məqsədilə ikinci və üçüncü nəsil mobil rabitə şəbəkələrini (2G və 3G) ləğv etmək niyyətindədir.»ICTinfo.az» «3dnews.ru» resursuna istinadən bildiri ki,bu qərar bir çox mobil telefonların rabitə vasitəsi kimi istifadə edilə bilməyəcəyinə gətirib çıxaracaq.
Artıq Böyük Britaniyanın bütün dörd mobil operatoru — EE, Vodafone, O2 və Three müvafiq stansiyaları dayandırmaq barədə razılığa gəliblər. Bu o deməkdir ki, ada sakinləri tezliklə düyməli telefonlardan istifadə edə bilməyəcəklər, onların bir qismi 4G-yə uyğundur, əksəriyyəti isə 3G və daha əvvəlki texnologiyalardan istifadə edir.
İyul ayında EE operatorunun sahibi olan British Telecom 2023-cü ilin əvvəlinə qədər 3G-nin istismardan çıxarılacağını, daha sonra isə 25 ildən artıq fəaliyyət göstərən 2G şəbəkəsinin də əlaqəsinin kəsiləcəyini elan etdi. 2033-cü ilə qədər 2G və 3G mobil rabitənin tam dayandırılması planlaşdırılır.
Səlahiyyətlilərin fikrincə, ikinci və üçüncü nəsil şəbəkələrin bağlanma tarixini bilmək yeni avadanlıq istehsalçılarına bazara daha asan daxil olmağa imkan verəcək, çünki onların elektronikası köhnəlmiş texnologiyaları dəstəkləməyə məcbur olmayacaq. Çinin Huawei şirkətinin milli təhlükəsizlik səbəbi ilə keçən il yeni mobil şəbəkələrin yaradılmasında iştirakının qadağan edilməsindən sonra hökumət müəyyən təchizatçılardan asılılığın qarşısını almağa ümid edir.
