«BMW» şirkəti «AirConsole» xidmətinin dəstəyi ilə avtomobillərinin multimedia sisteminin funksional imkanlarının genişləndirilməsini elan edib.Bulud platforması avtomobil salonu ilə təchiz edilmiş əyri «BMW Curved Display»-də oyunları idarə etməyə imkan verəcək.
Oyunlar üçün nəzarətçi kimi smartfondan istifadə etmək təklif olunur — cihaz displeydə QR kodu skan etməklə multimedia sisteminə qoşulur. Avtomobildə olan bütün sərnişinlər oynaya bilər, lakin sistem «AirConsole»-dan yalnız avtomobil dayandıqda istifadə etməyə imkan verir.
Layihənin başlanğıcında «BMW» sahibləri yarış, idman oyunları, viktorinalar, simulyatorlar, strategiyalar və tapmacalar janrlarında təxminən 15 oyuna çıxış əldə edəcəklər. Zamanla oyunların kataloqunun genişlənəcəyi vəd edilir. AirConsole dəstəyi alacaq «BMW» modellərinin siyahısı da genişləndiriləcək.
«BMW 5 Series Sedan»-ın yeni nəsli «AirConsole» inteqrasiya xidmətinə malik ilk avtomobildir. Xatırladaq ki, modelin premyerası may ayında baş tutub.
