«BMW» hibrid avtomobillər üçün simsiz yükləmə avadanlığı təqdim edir. Bu qurğu yerdə yerləşdirilməklə 220V elektrik şəbəkəsinə qoşulmuş kiçik lövhədir. İlk öncə seçim yalnız «BMW 530e iPerformance» üçün əlçatandır.
«Ictinfo.az» «therunet.com»-a istinadən bildirir ki,avtomobil dayanacaqda dayanan zaman sistem ekranda xətlərin köməyi ilə qaydaları göstərəcək. Ekranda yaşıl dairə avtomobil düz yükləmənin üzərində olduğunu göstərəcək. Sürücü avtomobili dayandırandan sonra dərhal enerji almağa başlayacaq. Yükləmə maşının və lövhənin arasında elektromaqnit sahənin generasiyası hesabına olur. «530e»-nın batareyasını 3,5 saat ərzində doldurmaq olar.
Şirkətin rəsmi nümayəndəsi bildirib ki, videoda təqdim edilmiş texnologiya ABŞ-da və Kanadada yoxlamadan keçir. Növbəti ildə yenilik 330e, 740e, X5, i3 və i8 modellərinə tətbiq ediləcək.
