Bu gün Hindistanda “Optiemus Infracom” şirkətinin istifadəyə verəcəyi “Blackberry” smartfonu xəttin əsas xüsusiyyəti olan fiziki klaviaturanı almayacaq.
Mənbələrin məlumatına əsasən, yeni qurğu “Evolve X” adlanacaq. “Optiemus Infracom”-un sözügedən smartfonu çərçivəsiz sensor ekran,ikiqat kamera və 4000 mAs tutumlu akkumulyatorla təqdim ediləcək. Ehtimal ki,”Evolve X” Hindistanda və Asiyanın başqa ölkələrində
də satılacaq.
“ICTinfo.az” “life.ru” resursuna istinadən bildirir ki,”Optiemus Infracom” Hindistanda “Blackberry” markası altında smartfonların buraxılışı üzrə lisenziyaya malikdir. Xatırladaq ki, “Blackberry” şirkəti indi avqustun sonunda istifadəyə verilməsi ehtimal edilən ucuz “KEY2 Lite” adlı telefon üzərində işləyir.
