BDDK Türkiyədə PayPal-a niyə lisenziya vermədiyini açıqladı

Bir neçə gün əvvəl 6 İyundan etibarən Türkiyə bazarından çəkiləcəyini açıqlayan PayPal’in lisenziya üçün tələbinin niyə BDDK tərəfindən rədd edildiyi açıqlandı.Qonşu Türkiyə üçün bu həftənin ən flaş xəbərlərindən biri PayPal’ın Türkiyə bazarından çəkiləcəyini söyləməsi idi. Bununla bağlı olaraq bir neçə iddia ortalığa atılmışdı. BDDK bir açıqlama edənə qədər isə hər kəs bir söz deməyə davam edirdi. Amma bu gün gözlənilən açıqlama gəldi.
BDDK prezidenti Mehmet Ali Akben, PayPal’ın serverlərini Türkiyə’yə daşımaq istəmədiyini vurğuladı. Akben, İyun 2013’də qəbul edilən qanuna əsasən PayPal kimi şirkətlərin BDDK’dan icazə almaq şərtilə işləyə biləcəyini dedi. Buna əsasə də PayPal’in bu qanunu pozduğuna görə ondan imtina etdikləri qeyd olundu.
Şirkətin 27 İyun 2015 tarixindən öncə olan qanuna görə elektronik pul ixracı fəaliyyətləri üçün tələb olunan icazə isə rədd edildi və onun səbəbi belə açıqlanır:»Şirkətin, Qanunun 23. maddəsi və Təbliğin 16. maddəsinə uyğun işlər görmədikləri müəyyən edilmiş, şirkətlə edilən toplantı və yazışmalarda bu vəziyyət dilə gətirilmişdir. Amma buna rəğmən şirkət lazım olan addımları atmamışdır.»Mətnin ardında isə bu səbəblər daha da detallandırılmış və rədd cavabı konkret olaraq izah edilmişdir.
Bu qərardan sonra PayPal’ın həm Avropa, həm də ABŞ nümayəndələri ilə görüşdüklərini qeyd edən Akben, şirkətin lazım olan şərtləri yerinə yetirdiyi təqdirdə Türkiyədə fəaliyyətlərini bərpa edə biləcəklərini dedi.