Azərbaycanın ilk mobil operatoru və aparıcı mobil internet provayderi «Bakcell» şirkəti böyük məmnuniyyətlə öz yeniliklərini “Bakutel-2016” sərgisinin ziyarətçilərinə nümayiş etdirməklə yanaşı, stendin qonaqlarının vaxtının səmərəli və əyləncəli keçməsi üçün əlindən gələni etməyə davam edir.Şirkətin bu istiqamətdəki səylərinin nəticəsidir ki, «Bakcell» “Bakutel-2016” sərgisinin təşkilatçıları tərəfindən «Ən çox ziyarət olunan stend» sertifikatı ilə təltif edilib.
Ziyarətçilərin sərgidəki iştirakının səmərəli və əyləncəli keçməsi üçün “Bakcell”in stendində qurulmuş “virtual reallıq” ən çox maraq cəlb edən guşələrdən biridir. Bu guşədə ziyarətçilərə xüsusi təqdim olunan avadanlıq vasitəsilə Bakının ən hündür zirvələrindən birini virtual şəkildə ziyarət etmək şansı yaradılıb. Hündürlükdən qorxmayan cəsarətli qonaqlar isə bu guşədəki müsabiqədə iştirak etmək imkanı əldə edirlər. Müsabiqə isə ondan ibarətdir ki, ziyarətçi real həyatda yerdə quraşdırılmış taxtanın üzərindən keçərək onun sonunda yerləşən qutunu gəlib götürməlidir. Kənardan bu çox sadə görünsə də, virtual dünyada olduqca maraqlı müsabiqədir. Çünki qeyd olunan bu adi taxta virtual görüntüdə çox hündür yerdə qurulduğundan, hündürlükdən qorxmadan onun sonuna çatıb qutunu götürmək çətin olmaqla yanaşı, fərqli bir hisslər yaşadır. Virtual reallıq cihazında hər şey bu qədər real əks olunub ki, bu müsabiqəyə qatılanlar onu yenidən yerinə yetirmək həvəsində olurlar. Təbii ki, qaliblərə sonda “Bakcell” şirkəti tərəfindən hədiyyələr də verilir.
Daha belə bir maraqlı və əyləncəli guşələrdən biri də PES-2017 yarışması keçirilən hissədir. Belə ki, burada “PlayStation” oyununda qalib olan iştirakçılara pulsuz danışıq dəqiqələri təqdim edilir.
Həmçinin sərgi iştirakçıları “Bakcell”in stendindəki “Sür@” guşəsini də ziyarət edə bilərlər. Bu guşədə qurulmuş qaçış lenti trenajorunda iştirakçılar 40 saniyə ərzində qət edə biləcəkləri məsafə müqabilində internet trafikini hədiyyə olaraq alırlar. İnternet trafiki müsabiqə iştirakçısının nömrəsinin balansına yüklənir. Bu səbəbdən də əsasən gənclər arasında bu müsabiqəyə olduqca böyük maraq var.
Bundan başqa, «Bakcell» şirkətinin stendində nomrem.bakcell.com guşəsi də təqdim olunur. Burada qonaqlar xüsusi yaradılmış internet səhifəsi vasitəsilə almaq istədikləri nömrənin boş olub-olmadığını özləri yoxlaya bilirlər. Axtarış nəticəsində nömrənin hansı məntəqədən ala biləcəyi interaktiv xəritədə əks etdirilir. Seçilən nömrənin sifariş olunduğunu təsdiq edən kod abunəçinin nömrəsinə pulsuz SMS vasitəsilə göndərilir.
Qeyd edək ki, “BakuTel-2016” telekommunikasiya və informasiya texnologiyaları sərgisi hələ davam edir. «Bakcell» şirkətinin sərgi ziyarətçiləri üçün təşkil etdiyi maraqlı stend öz ziyarətçilərini gözləyir.
