Azərbaycanda yay vaxtına keçidin ləğv ediməsi ilə əlaqədar olaraq və çoxsaylı abunəçi müraciətlərini nəzərə alaraq “Azercell Telekom” MMC xəbərdar edir: vaxtın avtomatik dəyişdirilməsi proqramı mobil telefonların, xüsusilə də smartfonların əməlıyyat sisteminə istehsalçılar tərəfindən əvvəlcədən quraşdırılırıldığı üçün telefonların göstəriciləri əvvəlki qaydada yay vaxtına keçə bilər. İstifadənizdə olan mobil cihazda Azercell-in fəaliyyətindən asılı olmayan və şirkətin müdaxilə imkanından xaric yaranan yanlış zaman göstəricilərini (yay vaxtını) real vaxt göstəricilərinə uyğunlaşdırmaq məqsədilə cihazın mexaniki vaxt dəyişmə funksiyasından fərdi şəkildə istifadə edərək lazımi saatı quraşdırmağı təklif edirik.
Daha ətraflı məlumat üçün news@mcs.az ünvanına müraciət edə bilərsiniz
Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq, Azərbaycana Azercell gətirib: GSM texnologiyası, öncədən ödəmə mobil xidmətləri, M2M,MobilBank,GPRS/EDGE (mobil internet),24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “Asan İmza” və s. Azərbaycanın mobil rabitə bazarındakı payı 48% olan Azercell-in şəbəkəsi ölkə əhalisinin 99,8%-ni əhatə edir. 2015-ci ilin sonuna Azercell abunəçilərinin sayı 4,5 milyon nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 17 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaşı olan TeliaSonera şirkətlər qrupunun bir hissəsidir.
