Şirkətin dəvətilə dünya şöhrətli Marketinq təlimçisi Bakıda 2 günlük seminar keçirdi.
Azərbaycanın lider mobil operatoru Azercell Telekom fəaliyyət göstərdiyi gündən etibarən abunəçilərinə, eləcə də, korporativ sektor müştərilərinə böyük qayğı ilə yanaşıb, onların uğurlu biznes fəaliyyətində bir tərəfdaş kimi çıxış edib. Müxtəlif innovativ layihələrin müəllifi olan Azercell bu dəfə korporativ abunəçiləri üçün «Uğurlu marketinq vasitələri” adlı xüsusi seminar təşkil edib. «Uğurlu marketinq vasitələri” adlı seminar satış və biznesin səmərəliliyinin artırılmasına imkan verən servis, xidmət və vasitələrin unikal platformasının təsisçisi, biznes təlimatçı İqor Mann tərəfindən aparılıb. Noyabrın 28-i və 29-da Boulevard Oteldə baş tutan seminarda Azercell Telekom MMC-nin prezidenti Vahid Mürsəliyev də iştirak edib. Vahid Mürsəliyev Azercell Telekom MMC-nin korporativ abunəçiləri üçün indiyə qədər həyata keçirdiyi layihələrdən söz açıb:“Korporativ abunəçilərimiz üçün həyata keçiriyimiz layihələr, gördüyümüz işlər öz töhfəsini verib. Belə ki, 2017-ci ildə 1300-ə yaxın yeni şirkət Azercell-in korporativ müştəriləri sırasına qatılıb. Uğurlu biznesin təşkili və idarəedilməsində düzgün marketinq strategiyasının müəyyən edilməsinin vacibliyini nəzərə alaraq bugünkü seminarı təşkil etdik.”
Məlumat üçün bildirək ki, Azercell tərəfindən təşkil olunan seminarın təlimçisi İqor Mann İqtisad elmləri namizədi, «Synergy» Biznes Məktəbinin fəxri professorudu.İ.Mann eyni zamanda Marketoloqlar Gildiyasının «Marketinqdə Əməkdaşlıq» mükafatının laureatı, «Mann, İvanov və Ferber» kitabını müəllifi, həmçinin PushBooks.ru nəşriyyatlarının təsisçisi, şirkətlərin satış və biznes səmərəliliyinin artırılmasına imkan verən servis, xidmət, texnologiya və vasitələrin unikal platforması olan Krostu.com səhifəsinin baş konstruktoru və həmtəsisçisidir.
Qeyd edək ki, iki gün davam edən seminara ölkədə fəaliyyət göstərən 300-dən artıq şirkətdən 500-dən çox əməkdaş qatılıb. Azercell şirkəti bundan sonra da korporativ abunəçiləri üçün bu qəbildən olan təlim və proqramların təşkilini planlaşdırır.
Daha ətraflı məlumat üçün news@mcs.az ünvanına müraciət edə bilərsiniz
Azərbaycanın mobil rabitə sənayesinin lideri və qeyri-neft sektorunun ən böyük sərmayədarı Azercell Telekom MMC 1996-cı ildə təsis edilmişdir. Azərbaycanın mobil rabitə bazarındakı payı 48% olan Azercell-in şəbəkəsi ölkə ərazisinin 80%, əhalinin 99,8%-ni əhatə edir. Bu gün 4,5 mln nəfər Azercell-in xidmətlərinə seçir. Bir sıra innovativ texnologiya və konsepsiyaları ilk dəfə olaraq Azərbaycana Azercell gətirib: GSM texnologiyası, öncədən ödəmə sistemi, 24/7 Telefon Mərkəzi, onlayn müştəri xidmətləri, GPRS/EDGE, M2M, MobilBank, 1 nöqtədə 3 xidmət göstərən Azercell Ekspres ofisləri, mobil elektron xidməti “Asan İmza” və s. 2012-ci ildə Azercell ölkədə ilk 4-cü nəsl LTE xidmətini təqdim etmişdir. Mobil şəbəkə keyfiyyətinin araşdırmasını aparan Global Wireless Solutions şirkətinin, eləcə də radio siqnalların şəbəkə keyfiyyətini ölçən “Opensignal” və “Testmy.net” kimi beynəlxalq sistemlərin nəticələrinə əsasən Azercell şəbəkəsi bir çox parametrlərə görə Azərbaycanın mobil operatorları arasında ən yüksək göstəricilər nümayiş etdirmişdir.
