Ölkənin lider mobil operatoru Azercell Telekom “Hədsiz” tarif paketi çərçivəsində abunəçiləri üçün sərfəli endirimlər təqdim edir. Belə ki, 4 oktyabrdan etibarən “Hədsiz” tarif planının abunəçiləri Fransa, Almaniya, Çexiya, Avstriya və İspaniyada rominqdə olarkən 15% edirimdən yararlana biləcəklər. Tətbiq olunan endirim nəticəsində abunəçilər hər zəngin 1 dəqiqəsi üçün 1.30 AZN, hər 1MB mobil internet uçün isə cəmi 3 AZN ödəyəcəklər. Azercell-in bu sərfəli enidirmi rominqdə olarkən edilən zənglər və mobil internetdən istifadə üçün tətbiq edilir.Xatırladaq ki, Azercell 2014-cü ildən etibarən Fakturalı Xətt abunəçiləri üçün “Hədsiz” tarif paketini istifadəyə verib. Azercell abunəçilərinə təqdim olunan «Hədsiz» tarif paketinə qoşulmaqla müştərilər aylıq 49.90 AZN abunə haqqı müqabilində inanılmaz endirimli xidmətlərdən yararlana bilir.
Bu endirimlərə aşağıdakılar daxildir:
- 3000 dəqiqə şəbəkədaxili zənglər
- 500 dəqiqə şəbəkəxarici zənglər
- 50 dəqiqə beynəlxalq zənglər
- 2000 ölkədaxili və beynəlxalq SMS
- 5 GB həcmində mobil internet
Bu tarifə qoşulmaq üçün fakturalı xətt abunəçilərinin, sadəcə olaraq, 650—yə «Hedsiz» sözünü yazıb göndərməsi kifayət edir.
Azercell bundan sonra da abunəçilərini endirimli tarif paketləri, yeni və sərfəli xidmətlərlə sevindirməkdə davam edəcək.
Daha ətraflı məlumat üçün news@mcs.az ünvanına müraciət edə bilərsiniz
Azercell Telekom MMC 1996-cı ildə təsis edilmişdir və fəaliyyətinin ilk illərindən etibarən bazarda lider mövqeyini saxlayır. Bir sıra innovativ texnologiya və konsepsiyaları ilk dəfə olaraq, Azərbaycana Azercell gətirib: GSM texnologiyası, öncədən ödəmə mobil xidmətləri, M2M,MobilBank,GPRS/EDGE (mobil internet),24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “Asan İmza” və s. Azərbaycanın mobil rabitə bazarındakı payı 48% olan Azercell-in şəbəkəsi ölkə əhalisinin 99,8%-ni əhatə edir. 2015-ci ilin sonuna Azercell abunəçilərinin sayı 4,5 milyon nəfər təşkil etmişdir. 2011-ci ildə Azercell 3G, 2012-ci ildə isə 4-cü nəsl şəbəkəsi olan LTE xidmətini təqdim etmişdir. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır.
