Zenit Tour Turizm şirkətinin yeni layihəsi olan Azerbaijan Tour Soft – turizm işinin avtomatlaşdırılması layihəsi Rabitə və Yüksək Texnologiyaları Nazirliyinin İnformasiya Texnologiyalarının İnkişafı Dövlət Fondunun 2-ci qrant müsabiqəsinin qalibi olmub. Bu ilin yanvar ayından layihənin işinə start verilib. Layihənin əsas məqsədi turizm şirkətlərinin işini avtomatlaşdıraraq işin sürətləndirilməsini təmin etmək, turizm şirkətlərinin turlar formalaşdırarkən daha optimal İT həllər vasitəsi ilə işlərə sərf olunacaq vaxtın minimuma endirilməsini təmin etmək, eləcə də şirkətlərin xüsusi modullar vasitəsi ilə öz saytlarında və layihə çərçivəsində yaradılacaq portal vasitəsi ilə məhsullarını satışa çıxarmaqdan ibarətdir. Bütün məlumatlar isə mərkəzi serverlərin verilənlər bazasında və lokal olaraq saxlanılacaqdır.
Layihə rəhbəri Nəzər Eminovun sözlərinə görə, layihənin digər bir məqsədi də Azərbaycanın turizm bazarında işin avtomatlaşdırılmasını təşkil edəcək xüsusi innovativ texnoloji həllin hazırlanması və onun bazara çıxarılması təşkil edir. Onu da xatırlatmaq istərdik, bu kimi proqram təminatları dünya təcrübəsində artıq uzun müddətdir ki, istifadə edilməkdədir. Belə proqramlardan SamoTour, Master Tour və s. göstərmək olar. Lakin həmin proqramların yerli Azərbaycan bazarında istifadəsi zamanı böyük problemlər yaşanır. Azerbaijan Tour Soft proqramının işi yerli bazarın tələblərinə uyğun ola biləcək proqram həlli yaratmaqdır.
Layihə nəticəsində Azərbaycanın turizm bazarında işin avtomatlaşdırılması həll edilmiş olacaqdır. Bunun sayəsində turizm şirkətlərində işin səmərəliliyi, müştəri məmnuniyyəti və turizm bazarının qanunlara uyğun və səmərəli aparılması ilə nəticələnəcəkdir. Bu turizm bazarının inkişafında İKT həllin inkişafına da öz töhvəsini verəcəkdir. Nəticədə, Azərbaycanda turizm şirkətlərinin dövriyyəsi artacaq və işin aparılmasında innovativ metodlardan istifadə çoxalacaqdır.
