Azərbaycan Nəqliyyat və Kommunikasiya Holdinqinin AZCON Holding tərkibində fəaliyyət göstərən Azərkosmos 13–15 may tarixlərində Dubayda keçirilən “SATExpo 2025” sərgisində S3-A20 nömrəli stendi ilə iştirak edir.
“SATExpo 2025” çərçivəsində Azərkosmosun gündəliyinə Afrika regionunda on illik uğurlu fəaliyyətin təqdimatı, Azconnexus xidmətləri üzrə ən son yeniliklər və Bakı Teleportunun geniş xidmət spektrinin nümayişi daxildir.
Sərgi müddətində müxtəlif yayım şirkətləri və peyk operatorları ilə yeni əməkdaşlıqların qurulması istiqamətində müzakirələr aparılması da nəzərdə tutulur.
Qeyd edək ki, Azəkosmosun stendi məşhur memar Zaha Hadidin Heydər Əliyev Mərkəzinin konsepsiyasına istinadən dizayn edilib.
