Azərbaycanı dünyanın məşhur startap yarışmasında təmsil edən gənclərlə görüş

Məlum olduğu kimi, sitat paylaşımı üçün mobil sosial şəbəkə olan Kvotter layihəsinin komandası 8-14 sentyabr tarixlərində Tractioncamp proqramı çərçivəsində ABŞ-ın San-Francisco şəhərində olub.
Onlar müxtəlif təlimlərdə iştirak edib, investorlar qarşısında təqdimat ediblər və TechCrunch Disrupt tədbirinin aktiv iştirakçısı olub.
Qeyd edək ki, Azərbaycanı bu tədbirdə ilk dəfə Kvotter təmsil edib.
Layihənin iki təsisçisi Orxan Əhmədov və Coşqun Kərimov Disrupt-da Silikon Vadisindən olan investorlar qarşısında təqdimat edib. Onlar həmçinin Silikon Vadisində yerləşən Akseleratorlarla tanışlıq və TechCrunch Disrupt tədbirində startaplar üçün ayrılmış xüsusi bölmədə öz layihələrini iştirakçılara təqdim etmə imkanı qazanıb.
Sentyabrın 28-də təşkil olunacaq görüşdə startapçılarımız tədbir çərçivəsində əldə etdiyi məlumatları, təcrübələri iştirakçılarla paylaşacaq.
Görüş sual-cavab şəklində baş tutacaq.
Startup Azerbaijan tərəfindən təşkil olunan görüşdə iştirak ödənişsizdir.
Görüşə startaplar və internet biznes sahəsi ilə maraqlananlar qatıla bilər.