Azərbaycanda “Milli Rəqəmsal Yaddaş” layihəsi çərçivəsində elektron elmi-intellektual baza yaradılır. Müasir dövrdə elmin əsas tələblərindən biri kimi Azərbaycan Milli Elmlər Akademiyasında yaradılan baza gələcəkdə elmi irsin daha etibarlı qorunub saxlanılması və zamanın tələblərinə uyğun şəkildə istifadəsinə geniş imkanlar yaradacaq.
Elektron elmi-intellektual bazanın yaradılması “Milli Rəqəmsal Yaddaş” layihəsi çərçivəsində atılan növbəti addımdır. Belə ki, layihə çərçivəsində elmi-tədqiqat işlərinin vahid elektron “Elmi-intellektual baza”sının formalaşdırılması olduqca zəruridir. Hazırda AMEA-nın institutlarında elektron resurslar hər bir elmi müəssisənin öz baza sisteminə uyğun saxlanılır.
Yeni təklif edilən baza sistemi isə AMEA-da toplanan elektron resursların vahid formatda sistemləşdirilməsinə və mövcud elmi informasiyanın qarşılıqlı mübadiləsinə imkan verir.
