Səbinə xanım, 2 iyun tarixində Bakı Konqress Mərkəzində sizin HR avtomatizasiya barəsində prezentasiyanız olmuşdu. Orda göstərdiyiniz slaydlar çox böyük marağa səbəb olmuşdu. Həmin mövzunun davamı olaraq sizə bəzi suallarımızı vermək istəyirik. Əvvəla oldan başlayaq ki, ölkəmizdə HR avtomatizasiya hansı vəziyyətdədir?
Azərbaycanda HR avtomatizasiyası son illərdə xeyli inkişaf etmişdir. Xüsusilə böyük və orta ölçülü şirkətlər bu yeniliyi daha çox qəbul edirlər. Lakin hələ də kiçik şirkətlər bu prosesə tam adaptasiya olunmamışdır.
Biznes transformasiyasını əsasən texnologiya, maliyyə və energetika sektorlarındakı şirkətlər aparır. Məsələn, banklarımız, telekom operatorlar, bəzi riteyl şirkətlərində avtomatizasiyaya başlanılıb. Amma inşaat, turizm, HoReCa, səhiyyə sahəsində bu sahə çox acınacaqlı durumdadır.
HR avtomatizasiyanı etmək üçün çox pul lazımdır?
Əlbəttə ki, bu proses başlanğıcda maliyyə tələb edir, IT komandasıyla işləmək, proqram təminatı almaq, yaxşı HR-mütəxəssislərini işə götürüb maaş vermək üçün təbii ki, vəsait lazımdır. Lakin uzunmüddətli faydalarına baxanda görürük ki,, qoyulan sərmayənin artıqlaması ilə ödənilir.
Yəni avtomatizasiyanı aparmayıb qənaət etməkdənsə, avtomatizasiyanı edib uzunmüddətli dövrdə effekt almaq daha sərfəlidir.
HR transformasiya üçün yol necə tərtib edilir və hansı mərhələlərdən keçir?
HR transformasiyasının roadmap, bizim dildə desək yol xəritəsi yaradılmalıdır. Roadmapda irkətin mövcud vəziyyətini dəyərləndirməklə başlayır, sonra strategiyalar və məqsədlər müəyyənləşdirilir, lazımi texnologiyalar seçilir və bu yolla şirkət iş proseslərini yenidən qurur.
Qeyd edim ki, əslində ən vacib, ən çətin proses elə məhz bu yol xəritəsini yazmaqdır.
HR avtomatizasiyanın bu qədər faydaları olduğu halda niyə şirkətlər bundan istifadə etmir, yenə də ənənəvi qaydada işləyir?
- Birinci növbədə problem top-menecmentdədir. Əksər hallarda şirkət rəhəbərləri çox konservativdir, yeniliklər etməyə tələsmir.
- İkinci problem elə HR şöbələrindədir. Heç insann resursları şöbəsində işləyənlərin özləri belə bilmir ki, bu avtomatizasiya nəyə lazımdır, necə edilir, şirkətə faydası nədir.
- Üçüncü isə tənbəllik. Hətta bəzən şirkət rəqəmsal tranformasiya etmək istəsə də, IT yaxud HR şöbəsində işləyənlər fikirləşir ki, başımı niyə ağrıdım? «İşləyirsə, əl vurma» prinsipiylə yaşayırlar.
Avtomatizasiya və süni intellektin HR transformasiyasına təsiri nələrdir?
Avtomatizasiya və AI təbii ki, HR proseslərini sürətləndirir, xəta ehtimallarını azaldır və işə qəbul proseslərində dəqiq təhlillər təmin edir. Bununla işçi məmnuniyyəti və şirkət effektivliyi artır. Prezentasiyamda göstərdiyim kimi, xaricdə hətta onboarding mərhələsində şirkətə gələn yeni əməkdaşa gələn mesajı belə Süni İntellekt yaza bilir. Özü də elə səmimi dildə yazılır ki, onu robotun yazdığı heç hiss olunmur.
Gələcəkdə süni intellektin rolu əlbəttə ki,daha da artacaq.
HR transformasiyasında hansı alətlər əsas rol oynayır?
Elə şirkət var ki, orda ERP kimi böyük sistemlər işlənir (SAP, Oracle, Bitrix və s.)
Elə şirkətlər də var ki, cəmi 30 nəfər işçisi var, onlar hansısa ERP işlətmək isətmir və yaxud da heç lazım deyil. Amma yenə də avtomatlaşdırmaq üçün müəyyən alətlərin tətbiqi var.
Məsələn, elə həmtəsisçisi olduğum Humanique agentliyini götürək. Mən özüm çox şeyi Google Workspace daxilində edirəm.
Yəni bu sualın konkret cavabı yoxdur, təbii ki, hər şirkətdən, onun strukturundan asılı olaraq dəyişir. Əsas odur ki, məlumatlar səliqəli, emal edilə bilən formada və əlçatan olsun. Lap Excel-də də etmək olar, amma sistemli şəkildə olsun. Təsssüf ki, ölkəmizdə çox yerdə hələ də kağız daşıyıcılarda aparılır hələ də çox işlər.
Müəllif: Aysel Soltanova
İKTİnfo dərgisi
