Bu gün Azərbaycan Texniki Universitetində (AzTU) startap günləri başlanıb.Tədbirdə “Startup Azərbaycan” layihəsinin təşkilat komitəsinin üzvü, Azərbaycan İnternet Forumunun rəhbəri Osman Gündüz startap günlərində iştirak edəcək tələbələrə bu təşəbbüslə bağlı geniş məlumat verib. Bildirilib ki, startap günlərində əvvəlcə innovativ ideyaların yarışması təşkil olunacaq. Yarışmada qalib gələn ideyalar ətrafında komandalar formalaşdırılacaq. Daha sonra həmin komandalar ideyalarını “biznes plan”a çevirərək münsiflər heyətinə təqdim edəcəklər.
Nəqaliyyat,Rabitə və Yüksək Texnologiyaları Nazirliyininn İT-nin İnkişafı Dövlət Fondunun rəhbəri Elçin Zeynalov isə Fondun startap layihələrinə maddi dəstəyindən danışıb, bugünə qədər maliyyələşən layihələr barədə ətraflı məlumat verib.
AzTU-nun rektoru vəzifəsini icra edən Xaliq Yahudov vurğulayıb ki, startap günlərinin keçirilməsinin məqsədi yeni startapların yaradılmasına kömək etmək və bu istiqamətdə tələbələrə informasiya-metodik dəstək göstərmək, eləcə də internet biznesin inkişafına təkan vermək və milli startap infrastrukturunun inkişafına nail olmaqdır. Startap günlərində iştirak etməklə tələbələr öz ideyalarını dəyərləndirmək və gerçəkləşdirmək, tanınmış startap nümayəndələri ilə əlaqələr qurmaq və komanda formalaşdırmaq imkanı qazanacaqlar.
Yüksək Texnologiyalar Parkının rəsmisi Tural Qubadov isə YTP-da stataplar üçün yaradılan imkanlar barədə məlumat verib. O qeyd edib ki, Startap Günlərində iştirak edən bütün komandalar YTP-ın bu imkanlarından yararlana bilər.
Diqqətə çatdırılıb ki, startap günləri ölkəmizdə dövlət ali təhsil ocaqları arasında ilk dəfə AzTU-da keçirilir.Layihəyə Nəqliyyat, Rabitə və Yüksək Texnologiyalar Nazirliyi, YTP və İT-nin İnkişaı Dövlət ondu dəstək verir.Startap Azərbaycan tərəfindən həyata keçirilən Startap Günləri ölkəmizdə 2012-ci ildən təşkil olunur.
