Beynəlxalq Telekommunikasiya Şurası (ITU) 2017-ci il üzrə Qlobal kibertəhlükəsizlik indeksini açıqlayıb.
İndeks ITU-nun üzvü olan ölkələrin kibertəhlükəsizliyə məruz qalma səviyyəsini özündə əks etdirir. 195 ölkəni özündə birləşdirən indeks qanunvericilik bazasını, texniki məlumatlar, təşkilati məsələlər, kooperasiya kimi məsələləri əhatə edir.
Azərbaycan indeksdə 48-ci yeri (0.559 bal) tutub.
Qonşulara gəlincə, Gürcüstan 8-ci, Rusiya 10-cu, Türkiyə 43-cü yeri tutub. Ermənistan isə siyahının autsayderlərindədir — 111-ci yer. Ermənistanla yanaşı, kibertəhlükələrə daha çox məruz qalan Əfqanıstan, Özbəkistan, Zimbabve, Liviya, Bosniya və Herseqovina indeksin ən aşağısında qərarlaşıb.
Reytinqin sonuncusu pilləsində Ekvatorial Qvineyadır.
İndeksin lideri Sinqapurdur. İkinci və üçüncü yerləri ABŞ və Malayziya bölüşdürür.
Qlobal kibertəhlükəsizlik indeksi üzv dövlətlərin kibertəhlükəsizliyə sadiqliyinin ölçüldüyü sorğudur. İndeks dünyanın 195 ölkəsini birləşdirir. Ölkələr Qlobal kibertəhlükəsizlik indeksində 5 əsas göstəriciyə görə qiymətləndirilir: qanunvericilik bazası, texniki məlumatlar, təşkilati məsələlər, keyfiyyətin yüksəldilməsi və əməkdaşlıq.
