Türkiyənin İstanbul şəhər Konqres Mərkəzində 20 ölkədən 100-ə yaxın şirkətin iştirakı ilə baş tutan dünyanın ən böyük sərgilərindən olan “MobileFest” sərgisi başa çatdı.
Sərgidə ölkəmizi təmsil edən Azərbaycan nümayəndə heyətinin tərkibində “AzInTelecom” MMC-nin Rəqəmsal Həllər departamentinin direktoru Emin Novruzov İnformasiya təhlükəsizliyi departamentinin direktoru Sadiq Yolçuyev də olmuşdur.“AzInTelecom” MMC-nin Rəqəmsal Həllər departamentinin direktoru Emin Novruzov sərgi haqqında təssüratlarını oxucularımızla bölüşmüşdür:
- #Metaverse — sərgidən #VR texnologiyası və #metaverse təqdimatları kifayət qədər geniş tətbiq edilirdi. Çox maraqlı həllər var idi. Düşünürəm ki, #metaverse və #5G texnologiyası genişləndikcə, qarşıdakı bir neçə il ərzində bu texnologiya üzrə ciddi və maraqlı həlləri görmək mümkün olacaq. Əminəm ki, yaxın zamanlarda evimizdə oturaraq, virtual formatda, meta dünyaya qoşularaq həkim qəbulu, psixoloji konsultasiya, virtual toplantı və təqdimatlar görə biləcəyik. Xüsusən sərgidə NaraXR şirkəti tərəfindən təqdim edilən simulyasiya çox maralqı idi. #VR vasitəsilə meta dünyada zeytun zavodunda, zeytun istehsalının bütün mərhələlərini virtual formatda simulyasiya etmək mümkün idi.
- Süni intellekt (Artificial Intellect) — sərgidə təqdim edilən rəqəmsal həllərin demək olar çoxunda süni intellektin rolunu görmək mümkün idi. Xüsusən bizə maraqlı gələn bir həll barədə məlumat vermək istəyirəm. Süni intellekt tətbiq edərək «virtual uşaq» yaradıblar. Bu həllin fərqi ondan ibarətidir ki, onu biz özümüz öyrədirik. Onu necə öyrədirik o formada inkişaf edir və geri dönüşlər edir. Məsələn, 1 rəqəmini əgər ona 2 kimi öyrətsək artıq bütün suallarda və riyazi hesablamalarda öyrətdiyiniz formatda nəticələr qaytaracaq və cavab verəcək.
- Rəqəmsal açarlar — birdəfəlik şifrələr vasitəsilə elektron kassa açarları istehsal ediblər. Xüsusən bank sektorunda ATM-lərdə istifadə edilə bilər. Birdəfəlik şifrələri eyni zamanda müəyyən bitmə müddəti təyin edərək multi istifadə etməkdə mümkündür.
- Rəqəmsal imzalar — rəqəmsal imza ilə bağlı həllər mövcud olsada SİMA Rəqəmsal İmza həllinin alternativini görə bilmədim. Hətta #SIMA tətbiqini göstərdikdə ciddi maraqa səbəb oldu. Elektron imzanın biometrik vasitə ilə evdən çıxmadan vətəndaşlara ödənişsiz təmin edilməsi hərkəs üçün maraqlı idi.
- Robotlar — çox ciddi inkişaf etmiş robotlar görmək mümkün olmasada, düşünürəm gələcəkdə «Chat GPT» kimi süni intellekt alətlərini tətbiq edərək ağıllı robotlar görəcəyik.
- MallIQ — yer kəşfiyyatı platforması. Sistemə bütün istanbulun önəmli alış-veriş və kiçik ölçülü mağazalarını inteqrasiya ediblər. Məsələn, kimsə qızıl mağazası açırsa sistem üzərindən bugünə qədər qızıl mağazalarının önündə dayanan müştərilərə və ya hazırda realtime qızıl mağazalarının önündəki müştərilərə bildiriş reklamları göndərə bilər.
- C-Prot — Türkiyənin yerli antivirus proqramı.
Eyni zamanda sərgidə nümayəndələrimiz #B2B görüşlərdə 20-dən çox şirkət nümayəndəsi ilə görüşlər keçirib.
