Təhlükəsizlik tədbirləri ilə əlaqədar olaraq yaxın illər ərzində Böyük Britaniyada bir çox atom elektrik stansiyalarının fəaliyyəti dayandırılacaq. Bristol Universitetinin alimləri radioaktiv tullantılardan heç vaxt bitməyən batareya hazırlanması qərarına gəliblər.
“ICTinfo.az” “Rambler.ru” resursuna istinadən bildiri ki,ölkədə reaktiv tullantılarla dolu atom elektrik stansiyaları var. Əvvəllər tullantıları xüsusi ayrılmış yerlərdə basdırır və ya utilizasiya edirdilər. Alimlərin yeni həlli karbon-14 izotopunun daha səmərəli tətbiqinə imkan verir. Bu elementin parçalanma müddəti 5730 ildir. Bristol Universitetinin alimləri tərəfindən hazırlanmış və radioaktiv əraziyə yerləşdirilmiş süni almaz kiçik elektrik cərəyanı yarada bilir. Bu, min illərlə işləyə bilən batareya hazırlamağa imkan verir.
Belə batareyalar eşitmə aparatları, kardiostimulyatorlar, peyk və kosmik gəmilərdə istifadə edilə bilər.
