San-Xosedə keçirilən istehsalçıların ümumdünya forumunda “Apple”-ın “iOS 11” əməliyyat sisteminin təqdim etdi. Yeni əməliyyat sisteminin tətbiqindən sonra istifadəçilər “Apple Pay” proqramı vasitəsilə pul vasitələrini köçürə biləcək.”Ictinfo.az” “vistanews.ru”-ya istinadən bildirir ki,”Siri” köməkçisi şəbəkəyə qoşulmadan sinxron tərcüməni həyata keçirə biləcək. Yeni əməliyyat sistemində bir proqramdan digərinə keçmək rahatdır. “Fayllar” xidmətinin funksiyaları dəyişdi – indi istifadəçi proqramda qurğunun yaddaşında hansı direktoriyada olmasından asılı olmayarq bütün faylları görəcək. ƏS-in yeni versiyası artıq istifadəçilər üçün payızda əlçatan olacaq.
Eyni zamanda şirkət 10,5 düymlük diaqonallı ekrana malik yeni “iPad Pro” planşet kompüterini nümayiş etdirib. Planşet altınüvəli “A10X” prosessoru, optik sabitləşməyə malik 12 meqapiksellik kamera ilə təchiz edilib. Yeniliyin qiyməti 649-949 dollar arasında dəyişir. Növbəti həftə planşetin satışına başlanılacaq, amma artıq ilkin sifariş əlçatandır.
“Apple” tədbir çərçivəsində, həmçinin “watchOS 4” və “Apple TV” əlavəsi üçün “tvOS” sisteminin yeni versiyasını təqdim edib, ancaq sonuncuda əsas özəllik “Amazon Prime Video” xidmətinin dəstəklənməsi olub.
“Apple”ın smart saatları üçün “WatchOS 4” əməliyyat sistemində bir neçə yeni siferblat və “Siri” dəstəkli dinamik siferblat istifadəyə verilib. Bu siferblatlarda təqvim və digər tətbiqlərdən aktual informasiya əks edilir.
Nəhayət, “watchOS 4” sistemində Music proqramı yenilənib: indi “AirPods” ilə qarşılıqlı əlaqə yaratmağa və “Apple Music”dən məsləhətli pleylistləri əlavə etməyə imkan verir.
“MacBook” və “MacBook Pro”nun üç versiyasının əvvəlki dizaynı saxlanılıb, amma onlara yeddinci nəsil “Intel Kaby Lake” prosessorları quraşdırılıb. Həmçinin 12 düymlük “Mac Book” noutbuku “SSD” daşıyıcı, 15 düymlük “MacBook Pro” isə diskret qrafik kartla təchiz edilib.
“MacBook Air” modeli indi daha məhsuldar “Intel” prosessoru ilə təchiz edilib, lakin prosessor modelinin adı məlum deyil. Bu halda noutbuk 1440×900 piksel təsvir ölçülü ekrana malikdir və əvvəlki kimi “USB Type-C” konnektoru mövcud deyil.
12 düymlük “MacBook” və “Touch Bar”sız (interaktiv sensor displey) 13 düymlük “MacBook Pro” noutbuklarının qiyməti 1299, “Touch Bar”a malik 13 düymlük “MacBook Pro” noutbukunun qiyməti 1799, 15 düymlük “MacBook Pro”nun qiyməti isə 2399 dollardan başlayacaq.
“Apple” şirkəti, həmçinin daxili “Siri” səs köməkçisinə malik “HomePod” kolonkasını təqdim edib.
Kolonka “Apple Music” servisini dəstəkləyəcək, həmçinin “köməkçi” funksiyalarını yerinə yetirəcək.
349 dollarlıq ağ və qara rənglərdə əlçatan qurğu dekabrda satışa çıxarılacaq.
