Ötən həftə «Apple» «iPhone»-larda akkumulyatorların əvəzetməsi üzrə genişmiqyaslı proqram istifadəyə verdi.İndi məlum olur ki, prqroram daha çox «Apple» smartfonlarını əhatə edir.»ICTinfo.az» «macdigger.ru» resursuna istinadən bildirir ki,əvvəlcə batareyaların yalnız qurğuların diaqnostikasından sonra dəyişdiriləcəyi planlaşdırılırdı. Yoxlama vaxtı «iPhone» akkumulyatorunun həcmi 80% və ya daha az azalacaqdısa,onda qurğu sahibi onun əvəzetməsini endirimlə edəcəkdi. Əks təqdirdə ona bütün məbləği ödəmək lazım olacaqdı.
Son məlumatlara görə «Apple» tərəfindən heç bir diaqnostika keçirilməyəcək. Nəticədən asılı olmayaraq rəsmi xidmət mərkəzinin əməkdaşları batareyanı 79 dolların əvəzinə 29 dollara dəyişəcək.
Ehtimal ki, şirkət öz qurğularının uzunömürlüyünü təmin edilməsi məqsədilə bilərəkdən qurğuların işini ləngitdiyi üçün qurğuların sahiblərinə jest edib.
Bu halda güzəştin yalnız «iPhone 6″,»iPhone 6 Plus»,»6s»,»6s Plus», «7»,»7 Plus» və «SE» smartfonlarına olunacağını düşünmək olar.
Qeyd edək ki,»Apple» şirkəti «iPhone»un əvvəlki modellərində prosessorun işini bilərəkdən ləngitdiyini etiraf etdi.Şirkət bunu smartfonun qəfil sönməsinin qarşısını alması ilə izah etdi.
Məsələ bundadır ki, «iPhone» batareya üçün daha çox enerji cəlb etmək istəsə, qəfildən sönə bilər. Xüsusi funksiya isə köhnə telefonların sönməməsi üçün lazım olandan artıq enerji toplamasının qarşısını alır.Bu xəbər istifadəçilər tərəfindən birmənalı qarşılanmadı.Hətta bəziləri şirkəti məhkəməyə verdilər. «Apple» nümayəndələri istifadəçilərdən üzr istəməklə akkumulyatorun əvəzetməsinə endirim təklif etdilər.Bundan başqa onlar «iOS»-da batareyanın vəziyyətini əks etdirən xüsusi interfeysi əlavə etməyə söz verdilər.
