«Apple» qabaqcıl təhlükəsizlik kamerası sistemi üçün patent təqdim edib. Şirkətdən verilən məlumata görə, belə avadanlıqların funksiyaları adi sifətin tanınmasından xeyli irəli gedir.
«Apple» patentinin mətni müəyyən bir şəxsin fiziki xüsusiyyətlərinə görə şəxsiyyətini tanımağa qadir olan yeniliyi təsvir edir. Xüsusilə, kamera konkret insanı tanımaq üçün təkcə üzləri deyil, həm də insan bədəninin xüsusiyyətlərini (ən azı birini) yadda saxlaya biləcək.
Yeni texnologiya Bodyprint ID adlanır.O, insan orqanizminin xüsusiyyətlərini tanıyan dərin öyrənmə modelinə əsaslanır və gələcəkdə sistem yanlış parametrləri müəyyən edə biləcək. Şəkli göstərmək üçün sistem sənədlərə uyğun olaraq televizor pristavkasından, «iPhone» və digər cihazlardan istifadə edəcək.
İndi «Apple»-ın smart kamerası hələ inkişaf mərhələsindədir və şirkətin onu real cihazda nə vaxt tətbiq edəcəyini dəqiq söyləmək mümkün deyil.
