“Apple” şirkəti qarşıdan gələn “WWDC23” təqdimatında bir neçə yeni “Mac”,”Apple Reality” qarışıq reallıq (MR) qulaqlıqlarını, həmçinin “iOS”,”macOS”,”iPadOS” və digər əməliyyat sistemlərinin ən son versiyalarını təqdim edəcək. Bu barədə “Bloomberg”-in tanınmış insayderi və müxbiri Mark Qurman öz “Twitter” hesabında məlumat verib.
Qurmanın sözlərinə görə, “WWDC23” iki saatdan çox davam edəcək. Beləliklə, qarşıdan gələn təqdimat “Apple” tarixində ən uzun təqdimat olacaq.
İnsayder “Apple”-ın hansı “Mac”-ları nümayiş etdirəcəyini dəqiqləşdirməyib, lakin MacRumors jurnalistləri hesab edirlər ki, onlardan ən azı biri uzun müddətdir şayiələr gəzən ilk 15 düymlük “MacBook Air” olacaq. Həmçinin nəşrin redaktorlarının fikrincə, Amerika İT nəhəngi yeni “Mac Studio” və “Mac Pro” təqdim edə bilər.
Yenilik, ilkin məlumatlara görə, özəl “M2” prosessoru, artırılmış batareya, “Wi-Fi 6E” və “Bluetooth 5.3” dəstəyi alacaq. Cihazla bağlı digər detallar şou çərçivəsində açıqlanacaq.
.
