«Apple» «iPhone 11» və «iPhone 13 Pro» smartfonları artıq tarixə döndü
«Apple» 2019 və 2021-ci illərin populyar «iPhone» modellərinin satışını dayandırıb.Bu barədə korporasiyanın saytında məlumat verilib.
Sentyabrın 7-də yeni smartfonların təqdimatından sonra «Apple» «iPhone 11» və «iPhone 13 Pro» satışdan çıxarıb.Şirkət əvvəllər tələbat olan cihazların istehsalını və satışını dayandırdığı barədə istifadəçilərə rəsmi məlumat verdi.
Amerika şirkəti ənənəvi olaraq keçən ilki qabaqcılları yenilərinin təqdim edilməsindən sonra satışdan çıxarır. 2019-cu ildə satışa çıxarılan «iPhone 11» ən sərfəli və populyar «Apple» smartfonlarından biri hesab olunurdu. Qurğu “monobrow”lu 6,1 düymlük IPS displey, A13 Bionic çipi, 4 giqabayt əməli yaddaş, 12 meqapikselli linzalı qoşa kamera, 3110 milliamper-saat tutumlu akkumulyatora malikdir.
«Apple» həmçinin «iPhone 13 Pro» və «13 Pro Max» satışlarını dayandırıb. Hazırda şirkətin onlayn mağazasında «iPhone 14» seriyalı, «iPhone 13» və «13 mini», «iPhone 12» və üçüncü nəsil «iPhone SE» smartfonları təklif olunur.
Apple, sentyabrın 7-də flaqman smartfonlar xəttini yenilədi. Cihazlar seriyasına «iPhone 14», «14 Plus», «14 Pro» və «14 Pro Max» daxildir.
