“Apple” şirkəti on-line formada keçirilən “WWDC 2020” konfransında “iPhone” üçün əməliyyat sisteminin növbəti versiyasını təqdim edib.İlk öncə qeyd edək ki,yeni əməliyyat sistemində çoxlu sayda dəyişikliklər olduğu üçün şirkət onu təcrübi adlandırıb, çünki buna qədər «Apple»-ın «iOS»-u «iPhoneOS» adı ilə əvəz edəcəyi haqqında məlumat yayılmışdı.“ICTinfo.az» “digger.ru” saytına istinadən yazır ki, nümayiş etdirilmiş “iOS 14” sistemi yenilənmiş vidcetlər əldə edib. Vidcetləri tənzimləmək və onları yerləşdirmək üçün konkret yer seçmək olar. Bundan başqa, şirkət tərəfindən elan edilmiş “App Library” funksiyası proqramın bölmələrə uyğun avtomatik təşkil edilməsinə imkan yaradır.
Bundan başqa “iOS 14” sistemində istifadəçinin eyni zamanda həm video izləməsinə, həm də başqa proqramlardan istifadəsinə imkan yaradan “şəkildə şəkil” rejimi əlçatan olacaq. “Apple” səsli tərcüməni dəstəkləyən daxili tərcüməçi də təqdim edib.
Həmçinin zəng animasiyası təkmilləşdirilib: indi daxil olan zənglər bütün ekranda deyil, üzə çıxan pəncərədə göstərilir. “Apple” şirkətinin rəsmisi dəqiqləşdirib ki, bu, həm telefonla, həm də “FaceTime”, “Skype” və başqa bu cür xidmətlərdən edilən zənglərə şamil edilir.
http://www.youtube.com/watch?v=fb7x5lM9oP4
