“Apple” şirkəti 2022-ci ilin dördüncü maliyyə rübü üçün hesabat dərc edib.Qeyd edək ki,əldə olunan qazancın yarısı smartfon satışından əldə edilir və xidmətlər ikinci yerdədir.
24 sentyabrda başa çatan 2022-ci ilin dördüncü maliyyə rübündə «Apple» rekord məbləğdə 90,1 milyard dollar qazanıb. 2021-ci ilin eyni dövrü ilə müqayisədə bu rəqəm 8% artıb. Eyni zamanda, bir səhm üzrə mənfəət keçən illə müqayisədə 4% artaraq 1,29 dollar təşkil edib. Tam maliyyə ili üçün şirkətin gəliri 394,3 milyard dollar (2021-ci illə müqayisədə +8%), səhm üzrə illik mənfəət isə vahidə görə 6,11 dollara (+9%) çatıb.
Dördüncü maliyyə rübündə əsas gəlir mənbəyi iPhone satışı olub. Şirkət smartfonlardan 42,63 milyard dollar (ümumi gəlirin 47,29%-i) qazanıb ki, bu da bir il əvvəllə müqayisədə 10% çoxdur. Qadcetlər arasında ikinci yeri kompüterlər tutur — 11,51 milyard dollar (+ 12,77%). Apple taxıla bilən cihazlardan 9,65 milyard dollar qazanıb (+10%). Lakin planşetlərə tələbat azalıb — 7,17 milyard dollar, bu, illik müqayisədə 13% azdır. Xidmətlər şirkətə 19,19 milyard dollar (+5%) qazandırıb.
Korporasiyanın xalis mənfəəti illik 0,8% artımla 20,72 milyard dollar təşkil edib. Ətraflı hesabatla linkdə tanış olmaq olar.
