Koreyanın “Naver” forumunun istifadəçisi yeux1122 gələcək “Apple iPhone 14” smartfonlarının qiyməti ilə bağlı yeni maraqlı detallar paylaşıb.
İnsayderin sözlərinə görə, əsas “iPhone” 14 799 dollara başa gələcək.Onun qiyməti hazırkı 6,1 düymlük “iPhone 13” ilə tamamilə eynidir. Qlobal smartfon bazarındakı azalma fonunda satışları artırmaq və azalan tələbi kompensasiya etmək üçün “Apple” adi “iPhone 14”-ün qiymətini qaldırmağı planlaşdırmır.
Mənbə aydınlaşdırıb ki, bu il 6,1 düymlük “iPhone 14”-də “qiymətləri dondurmaq” qərarı ən yüksək idarəetmə səviyyəsində qəbul edilib. Əvvəlcə “Apple” komponentlərin artan qiymətini və artan istehsal xərclərini müştərilərə ötürmək istəyirdi, lakin indi bunu özü kompensasiya etməli olacaq.
Buna əsaslanaraq, əsas konfiqurasiyada olan 6,7 düymlük “iPhone 14 Max”-ın 899 dollara başa gələcəyini güman edə bilərik. Çox güman ki, qiymət artımı “iPhone 14 Pro” və “iPhone 14 Pro Max” modellərinə də təsir edəcək.
