«Apple» şirkətinin mobil rabitə moduluyla işləyə biləcək «MacBook» istehsalı üzərində işləməsi barədə məlumatlar var. Ehtimal edilir ki, şirkət yeni «iPad» buraxılışına görə bu istiqamətdə tələsir, ancaq artıq bu ildən bir çox istehsalçılar məsələn, «Microsoft», «Huawei» və «Lenovo» mobil şəbəkələrə qoşulan noutbukları buraxmağı planlaşdırırlar. Mümkündür ki, «Apple» bu layihədə rəqiblərini qabaqlayaraq birinciliyi əldə etsin və yeni patentin əldə etməsi buna hesablanıb.Yeni patentin şəkillərində noutbukun kənarlarında antennalar olan «MacBook» təsvir edilmişdir.
Patent sifarişində xüsusiyyətlərə əsasən noutbuk həmçinin «Bluetooth», NFC və naviqasiya sistemləriylə işləyə biləcək. Maraqlıdır ki, təsvir edilmiş qurğular yalnız məlumatların ötürülməsini deyil telefon funksiyalarını da dəstəkləyə bilər.
