“Apple” istifadəçiləri “iOS” əməliyyat sisteminin son versiyasının WiFi vasitəsilə yenilənməsi zamanı cihazların donması problemi ilə üzləşiblər.“Bloomberg”in verdiyi xəbərə görə, yenilənmənin yüklənməsindən sonra smartfon və planşetlər proqram təminatının quraşdırılması üçün sönüb, lakin bir qədər sonra ekranda istifadəçinin cihazını kompüterə qoşmasının vacibliyi barədə xəbərdarlıq peyda olub. İstifadəçilər WiFi vasitəsilə yüklənmə həyat keçirdikdən sonra bu səhv ucbatından öz cihazlarını işə sala bilməyiblər. (“iTunes” vasitəsilə yüklənmə problemsiz gerçəkləşib.)“Apple”dan bildiriblər ki, problem yalnız ilk saatlarda yaşanıb: “Biz problemi aradan qaldırmışıq. Müştərilərimizdən üzr istəyirik”.
Qeyd edək ki, sentyabrın 13-də “Apple” “iOS 10” mobil əməliyyat sistemini istifadəyə verib. İndi müəyyən kateqoriyadan olan “iPhone” və “iPad” sahibləri üçün “3D Touch”la əlaqəli yeni bildiriş sistemi, “iOS” messencerinin funksiyasının genişlənməsi, şəkillərdəki obyekti analiz edə bilən yaxşılaşdırılmış “Foto” əlavəsi və s. yeniliklər əlçatandır.
