Amerika IT-nəhəngi «Apple», «NASA» mühəndislərini pilotsuz avtomobillərin hazırlanmasına cəlb edir. «The Wall Street Journal»-ın fikrincə, korporasiya bu istiqamətdə onları qabaqlayan rəqiblərini geridə qoymaq istəyir. «Apple» «NASA»-nın 6 əməkdaşını, həmçinin robot texnikası sahəsində təcrübəsi olan ekspertləri işə qəbul edib. Artıq şirkət bunula bağlı ABŞ-ın dövlət orqanlarını məlumatlandırıb. Kaliforniyanın Nəqliyyat Vasitələri Departamenti “Apple”ın pilotsuz avtomobilləri test etmək hüququ alan şirkətlərin siyahısına daxil edildiyini açıqlayıb. Siyahıda “Volkswagen Group of America”, “Mercedes-Benz”, “Google”, “Tesla”, “Nissan”, BMW, “Honda”, “Ford” kimi məşhur brendlər də var.
İşə cəlb edilən «NASA»-lılar «alma» korporasiyasının mühəndislərini konsultasiya edəcək. Hazırda pilotsuz texnologiya əsasında hazırlanan “Lexus” markalı avtomobillərinin yoxlanması işləri aparılır. İndi pilotsuz avtomobilin 3 nümunəsi testdən keçirilir.
«Ictinfo.az» «dni24.com»-a istinadən bildirir ki,»Apple» barmaq izlərindən öz sahibini tanıyacaq avtomobil istehsal etmək fikrindədir. Pilotsuz maşın start düyməsin tıklamaqla sahibini təyinat nöqtəsinə sərbəst apara biləcək.
