Gələn ay «Sotheby’s» hərracında «Apple» şirkətinin banilərindən biri əfsanəvi Stiv Cobsun «BMW Z8» avtomobili satılacaq.
«Ictinfo.az» «ixbt.com»-a istinadən bildirir ki,bu fakt Kaliforniya ştatında nəqliyyat vasitəsinin indiki sahibinin orijinal qeydiyyat şəhadətnaməsi və «BMW»-nin xidmət kitabında «JOBS Z8» nömrə nişanla təsdiq edilir.
Məlumata görə, Stiv Cobs «BMW Z8» avtomobilini kolleqası «Oracle» rəhbəri Larri Ellisonun təkidi ilə alıb.
Avtomobilin indiki sahibi onu 2003-cü ildə Cobsdan əldə edib və 14 il ərzində təxminən 24 min kilometr yol sürüb.Avtomobil hazırda da ideal vəziyyətdədir.
Lotun təxmini qiyməti 300-400 min dollar təşkil edir.Ancaq yekun məbləğ əhəmiyyətli dərəcədə yuxarı ola bilər.
