Bloomberg analitiki Mark Qurman sənaye mənbələrinə istinadən xəbər verib ki, Apple 2014-cü ildən yaratmağa çalışdığı elektrik avtomobili üzərində işləri dayandırıb. Jurnalist şirkətin qərarının səbəblərindən danışıb və uğursuz layihə ilə bağlı bəzi təfərrüatları da açıqlayıb.
Kod adı Project Titan olan elektrik avtomobili əməliyyatlar üzrə baş direktor Ceff Uilyams və vitse-prezident Kevin Linçin rəhbərlik etdiyi 2000 nəfərdən ibarət komanda hazırlayıb. Mənbənin sözlərinə görə, bir gün əvvəl onlar elektromobil üzərində işlərin başa çatdığını elan ediblər. Bəzi işçilər Con Giannandreanın rəhbərliyi altında süni intellekt üzərində işləyən Apple bölməsinə köçürüləcək, bəziləri isə işdən çıxarılacaq.
Əvvəlcə avtomobilin “avtopilot”, səslə idarəetmə funksiyası və limuzin tipli salonla təchiz edilməsi planlaşdırılırdı. Şirkət daha sonra sürücüyə yardım sisteminə tələbləri dördüncü səviyyədən ikinci səviyyəyə endirdi. Qurmanın sözlərinə görə, Titan-ı bağlamaq qərarına əsasən elektrik avtomobil bazarının gözlənilən artımı göstərməməsi təsir edib.
Jurnalistin sözlərinə görə, son aylar yüksək qiymətlər və enerji doldurma məntəqələrinin olmaması əsas alıcıları tam elektriklə işləyən avtomobillərə keçməkdən çəkindirib. Bundan əlavə, ABŞ-da elektromobillər tədricən ucuzlaşır, hibridlər isə əksinə, populyarlıq qazanır. Bunu nəzərə alsaq, Apple avtomobilinin təxmini qiymətinin 100.000 dollar olması onu potensial olaraq gəlirsiz edir.
Apple səhmləri Bloomberg nəşrindən sonra qiymətlərin 1% artması ilə reaksiya verdi və Elon Musk uğursuz rəqibinin qərarını istehza ilə qarşılayaraq, ifadə ilə X-də bir yazı yerləşdirdi.
